Gavhi o re o tla phološa lenyalo la gago
Ka Mogale Mohale
Ka morago ga go lemoga dihlalano tše ntši magareng ga banyalani le baratani ka lebaka la thobalano ya go fokola, Mulatedzi Gavhi o ile a tšeya sephetho sa go thuša banna go matlafatša bonna bja bona thobalanong.
Mulatedzi (37) go tšwa motseng wa Halambani ka ntle ga Thohoyandou, Limpopo o ile a thoma go tšweletša lerole leo a le bitšago master powder for men.
O dirile se ka maitemogelo ao a hweditšego go koko wa gagwe, Tshavhungwe Gavhi yo a hlokofetšego a na le mengwaga ye 67 ka 2019 e le ngaka ya setšo.
O re lerole le le kgona go šoma le go dula mmeleng wa monna dikgwedi tše hlano go iša go tše seswai mme monna yo a le šomišago o tla dula ele tau thobalanong lebaka la dikgwedi tše.
“O bediša meetse a lebotlelo la 2 litara metsotso ye hlano go iša go lesome mme wa hlakantšha le lelepola la lerole. O nwa lebotlelo le tee ka letšatši, go matsatši a mararo. Ka morago ga moo di yo boya phaphošing ya borobalo,” a realo.
Mulatedzi o re o lapišitšwe ke go kwa basadi ba dira metlae gore banna ba a tšwafa thobalanong.
“Ke nyaka go buša seriti sa bonna go banna ka nna. Ke na le ditšweletšwa tšedingwe tšeo di thušago banna gore ba kgone go kgotlelela seripa sa iri go ya go iri thobalanong, ebile ba ka dira medikologo ye mmalwa,” a realo.
O re o thomile go tšweletša lerole le ka ngwaga wa 2010 gore a kgone go thuša go phološa manyalo le dikamano.
“Ditšweletšwa tšaka di thuša banna go buša boitshepo bja bona gore ba kgaleme lenyatšo thobalanong. Ga go sana modukologo wa metsotswana thobalanong, peu ya go fokola le go kgopela basadi gore ba ralokiše setho sa bonna pele gore se kgone go šikinyega,” a realo.
O mongwe yo šomišitšego ditšweletšwa tša Mulatedzi, Vhutshilo Nemasetoni (40) o re o na le matšato thobalanong. “Ke na le maatla ebile kamano yaka le molekani waka e tiile go feta ka lebaka la go šomiša didirišwa tše,” a realo.
