SAJENE WA MAPHODISA KA BOPRESIDENCE O BOLAILE MOŠOMI MMOGO LE YENA, A  THUNTŠHA MOSADI WA GAGWE PELE A IPOLAYA 

Sajene (53) wa maphodisa yo a bego a šoma ka  tirelo ya tšhireletšo ya mopresidente (PPS) ka Pretoria o ile a itšeela bophelo morago ga gore go thwe o bolaile mošomišani mmogo le yena le go gobatša mosadi wa gagwe.

 Lephodisa leo le tšwa Riba Cross ka Burgersfort, go le thuntšhitše sajene wa mosadi ka Pretoria ka Mokibelo.  Ka tlase ga diiri tše 24 ka morago, go thwe o ile a ya Bronkhorstspruit gomme a thuntšha le go gobatša mosadi wa gagwe.

 Mmoleledi wa maphodisa a Limpopo Colonel Malesela Ledwaba ore maphodisa a Limpopo a latišišitše sefatanaga sa mogononelwa gomme a mo thibela ka tsela ya R555 kgauswi le Burgersfort ka Sontaga mesong.

 “Monna yo o thuntšhitše bahlankedi ge ba be ba leka go mo thibela. Go thwe mogononelwa o ile a thuntšha go leba maphodisa gomme ge a khutlela, a iphetolela sethunya seo,” a realo Ledwaba.

 Sethunya seo se šomišitšwego se tiišeditšwe gore ke sethunya sa tirelo seo se ntšhitšwego ke mmušo.

 Mokhomišenare wa maphodisa a profense Lt-Gen Thembi Hadebe o hlalositše tiragalo ye bjalo ka yeo e tshwenyago kudu gomme a hlohleletša maloko a maphodisa go nyaka thušo ge a šomana le mathata a motho ka noši.

 “Masetlapelo a gape a laetša tlhokego ya gore maloko a nyake thušo ge a lebane le ditlhohlo tša motho ka noši. Re dula re ikgafile go thekga bophelo bjo bobotse bja maloko a rena mola re thekga pušo ya molao”, a realo Hadebe.