Molekgotlaphethiši Basikopo Makamu o re ba lahlegetšwe ka lehu la Kgoši Madikela Simeon Malatji

Kgoši ya motšwa o swere wa Mošate wa Ba-Selwana, Kgoši Madikela Simeon Malatji o hlokofetše ka Sontaga, 28 Lewedi.

Molekgotlaphethiši wa kgoro ya Pušo Tirišano, Bodulo le Merero ya Setšo, Basikopo Makamu o rometše mantšu a thoba matswalo go ba lapa la Kgoši Malatji, maloko gammogo le setšhaba ka kakaretšo.

“Re lahlegetšwe kudu ke go hlokofala ga Kgoši Malatji. Lehu le re amogile moetapele yo a tiilego, moetapele wa setšhaba gape e le tate wa setšhaba seo a bego a se eteleletše pele,” a realo.

Makamu o rile: “Ruri re lahlegetšwe ke matlotlo a tsebo bjalo ka ge re lahlegetšwe ke puku ya setšo ye e šetšego e fišitšwe ke mollo,”

O hlalošitše Kgoši Malatji bjalo ka moetapele yo a ineetšego kudu gomme a re lehu la gagwe le šetše le tlogetše sekgoba se segolo taolong ya bogoši profenseng.

“Dithulaganyo tša tirelo ya go gopola bophelo bja gagwe le tša poloko di tla tsebišwa ka nako ye e swanetšego,” gwa realo Makamu.