John Mpe o kgethilwe leboelela bjalo ka modulasetulo wa ANC wa selete sa Peter Mokaba

Ka Mogale Mohale

Go tsogile di ntwa ka nako ya dikgetho tša boetapele bja selete sa African National Congress (ANC) Peter Mokaba.

Bakgethi ba hlaselane ka ditulo le ditafola nakong ya dikgetho lepatlelong la Peter Mokaba go la Polokwane ka Labone, 22 Mopitlo ka nako ya kopano.

Se ke ka morago ga gore maloko a gonone gore go na le maloko a go feta 20 a bo fora ao a tsenetšego kopano le ge e le gore a fegilwe ke komiti ya tharollo ya dikganetšo (National Dispute Resolution Committee (NDRC).

Go be go fofa ditulo le ditafola moyeng nakong ya ge ba bangwe ba bakgethi ba ngongorega ka gore go na le maloko a makala dikgethong ao a fegilwego.

Dintwa tšeo di fihlile seemong seo seripa sa bakgethi ba bangwe ba feletšego ka mong wa seloko ka morago ga dikgohlano.

Le ge go bile le dintwa, dikgetho di ile tša tšwela pele moo modulasetulo wa maloba, John Mpe a ile a kgethwa leboelela a sa phenkgišane le motho bjalo ka modulasetulo lebakeng la boraro.

Se ke ka ge modulasetulo wa liki ya basadi ya ANC profenseng ya Limpopo, Mamedupi Teffo yo go be go go letetšwe gore o tla phenkgišanela setulo sa modulasetulo wa Peter Mokaba a se gona dikgethong go amogela go hlophiwa, mme seo se buletše Mpe tsela ya gore a kgethwe ntle le phenkgišano.

Se se akareditše le modulasetulo wa maloba wa liki ya baswa ya ANC Limpopo, Tony Rachoene ka ge go be go letetšwe gore o tla phenkgišanela seemo sa letsogo la modulasetulo.

Baphenkgišane ka moka go tšwa lehlakoreng la Mpe ba hlophilwe ntle le phenkgišano ka ge bao ba be go ba le lehlakoreng la Teffo ba be ba sa bonale go amogela go ba go gana go hlophiwa.

Bahlomphegi ka moka go tšwa lehlakoreng la Mpe ba kgethilwe ntle le phenkgišano ka ge ba lehlakore la Teffo ba be ba se gona go amogela go ba go gana go hlophiwa.

Magareng ga bao ba kgethilwego e bile Edward Paya bjalo ka letsogo la modualasetulo, Lesiba Matsemela bjalo ka mongwaledi, Kholofelo Lehong go ba letsogo la mongwaledi mme Merriam Molala bjalo ka mmamatlotlo.

Bakgethi bao ba be go ba theeledit a kgethwae ba ipileditše go mongwaledipharehare wa ANC gore a tsenelele a thuše.

“Go a nyamiša le go swabiša gore go kgethwe boetapele ka morago ga dintwa tšeo di diregilego ka nako ya dikgetho. Merero ka moka ya dikgetho e be e swantše go ema go fihla dingongorego di rarollwa,”gwa realo o mongwe wa leloko.

Dikgetho tše di swerwe ka morago ga gore di šotišwe mabakeng a mmalwa ka mabaka a dingongorego tša ka gare go tšwa go makala gammogo le maloko ao a gwantetšego kantorong tša ANC profenseng, le bao ba ilego kgorong ya tsheko.